Ashita Mittal

Ashita Mittal

BMT NJQKB(UNODC) mintaqadagi va'kili

Mittal xonim BMTning Narkotik va jinoyatga qarshi kurash bo‘yicha boshqarmasi (BMT NJB)da turli lavozimlarda narkotik moddalar, transmilliy uyushgan jinoyat va terrorizmga qarshi kurash masalalari yuzasidan yigirma bir yildan ortiq vaqt mobaynida faoliyat ko‘rsatib kelmoqda. BMT NJBning O‘zbekiston, Qozog‘iston, Qirg‘iziston, Tojikiston va Turkmanistonni hamda Armaniston, Gruziya va Ozarbayjon kabi janubiy Kavkaz davlatlarini qamrab oluvchi Mintaqaviy vakolatxonasi boshlig‘i lavozimini egallashdan oldin, u 2009 yildan 2014 yilgacha BMT NJBning Afg‘onistondagi vakolatxonasining boshlig‘i o‘rinbosari lavozimida ishlagan. 1995-2009 yilllarda u BMT NJBning Bangladesh, Butan, Hindiston, Nepal, Maldiv va Shri-Lanka mamlakatlarini qamrab oluvchi Janubiy Osiyo mintaqaviy vakolatxonasining boshlig‘i o‘rinbosari lavozimida faoliyat yuritgan. Bundan oldin u Hindistonda Jahon oziq-ovqat dasturida ishlab, ozuqaviy xavfsizlik masalalari bilan shug‘ullangan. 1986 yildan 1993 yilgacha u fuqarolik jamiyati bilan giyohvandlikni profilaktika qilish, davolash va reabilitatsiya masalalari bo‘yicha faoliyat olib bordi hamda mazkur sohada o‘zining ilg‘or yondashuvlari bilan jamoatchilik orasida keng e’tirofga sazovor bo‘ldi. Shuningdek, u qarovsiz qolgan va ishlayotgan himoyaga muhtoj bolalarning huquqlarini himoyalash sohasida faoliyat yuritdi. Undan oldin AQShning Vest Jersi shahridagi giyohvandlik va alkogolizmga qarshi kurash markazida ishladi. Rivojlanish sohasidagi mutaxassis va ijtimoiy masalalar bo‘yicha olim sifatida u asosan inson huquqlarini himoyalash mexanizmlari va strategik dasturlarni ishlab chiqish masalalari bilan shug‘ullanadi va bunda asosiy e’tiborni qonun ustuvorligini ta’minlash, adliya va sog‘liqni saqlash tizimi, inson huquqlari va gender tengligi kabi masalalarga qaratadi. U giyohvand moddalarni nazorat qilish masalalariga bag‘ishlangan bir qator maqola, hisobot va tadqiqotlar muallifidir.

Mittal xonim Hindistonning Deli universitetida olingan psixologiya va ijtimoiy ish (social work) sohasidagi magistrlik diplomiga ega. Shuningdek u 1989-90 yillarda AQShda Fulbrayt talabalik dasturida qatnashgan.