Inson huquqlari bo'yicha O'zbekiston Respublikasi Milliy markazi tomonidan chop etilgan kitoblar O'zbekiston Respublikasi Fanlar akademiyasining fundamental kutubxonasiga taqdim etildi.

Shu yil 8 sentyabr kuni ushbu kutubxona kitobxonlariga foydalanish uchun beg'araz yetkazib berilgan kitoblar turkumi Markaz direktori Akmal Saidov qalamiga mansubdir.

Markaz tomonidan tuhfa etilgan kitoblarni O'zbekiston Respublikasi Fanlar akademiyasining fundamental kutubxonasi direktori  Zuhra Berdieva qabul qilib oldi. Shu munosabat bilan u akademik A.Saidov va Markaz jamoasiga kutubxona jamoasi hamda kitobxonlari nomidan minnatdorlik bildirdi.

Markaz bosh mutaxassisi Laziz Xoliqulovning so'zlariga qaraganda, Markaz xodimlari tashrif asnosida Fanlar akademiyasining fundamental kutubxonasidagi sharoitlar bilan yaqindan tanishgan.

Inson huquqlari bo'yicha
O'zbekiston Respublikasi
Milliy markazining
matbuot xizmati