Inson huquqlari bo‘yicha O‘zbekiston Respublikasi Milliy markazi O‘zbekiston Respublikasi Konstitutsiyasi qabul qilinganining 30 yilligi munosabati bilan Inson huquqlari sohasida Jahon ta’lim dasturining to‘rtinchi bosqichi, shuningdek, BMTning Inson huquqlari sohasida ta’lim va tarbiya to‘g‘risidagi deklaratsiyasi doirasida “Inson huquqlari sohasidagi ta’lim va tadqiqotlar” mavzusida respublika tanlovini e’lon qildi.

Tanlovning maqsadi inson huquqlari sohasidagi ta’lim va tadqiqotlarni qo‘llab-quvvatlash, mamlakatimiz aholisi o‘rtasida inson huquqlari madaniyatini keng targ‘ib etishdan iborat.

Tanlov quyidagi nominatsiyalar bo‘yicha o‘tkaziladi:

• inson huquqlari bo‘yicha eng yaxshi o‘quv kursi;
• inson huquqlari va erkinliklariga bag‘ishlangan eng yaxshi rasm;
• inson huquqlari va erkinliklariga bag‘ishlangan eng yaxshi videorolik;
• inson huquqlari bo‘yicha eng yaxshi maqola: eng yaxshi ilmiy maqola va eng yaxshi ommabop maqola;
• inson huquqlari va erkinliklariga bag‘ishlangan eng yaxshi bosma va elektron o‘quv adabiyotlari.

Tanlov natijalari 10 dekabr – Xalqaro inson huquqlari kunida e’lon qilinadi.

 G‘oliblar  qimmatbaho sovg‘alar bilan mukofotlanadi.

Manba: "Demokratlashtirish va inson huquqlari" jurnali