Inson huquqlari bo'yicha O'zbekiston Respublikasi Milliy markazining direktori A.Saidov P.Yuel-Djensen boshchiligidagi YXHT Parlament Assambleyasining Daniya delegattsiyasi bilan uchrashuvi bo'lib o'tdi.

Maqsad – inson huquqlari sohasida demokratik islohotlarning borishi, Inson huquqlari bo'yicha O'zbekiston Respublikasi Milliy markazining asosiy faoliyati bilan tanishishdir.

Uchrashuv davomida delegattsiya a'zolari so'nggi yillarda inson huquqlari sohasida amalga oshirilayotgan islohotlar, xususan, BMT tizilmalari va YXHT bilan hamkorlik to'g'risida batafsil ma'lumot berdilar.

Suhbat chog'ida fuqarolarning ijtimoiy-iqtisodiy huquqlarini himoya qilish, Oliy Majlisning Inson huquqlari bo'yicha vakili, shuningdek, Inson huquqlari bo'yicha Milliy markazning asosiy vazifalari va faoliyati, va inson huquqlari bo'yicha milliy
institutlarning faoliyati to'g'risidagi ma'lumot berildi. Makazning Oliy Majlis palatalari bilan o'zaro hamkorligiga alohida e'tibor qaratildi.

Uchrashuvda korruptsiyaga qarshi kurashish masalalari, O'zbekistonning jamiyatini, ayniqsa, yoshlarni radikallashtirish-ga yo'l qo'ymaslik va diniy erkinlik huquqlarini ta'minlash masalalari, shuningdek, Inson huquqlari bo'yicha Daniya instituti bilan o'zaro hamkorlik qilish masalalari muhokama qilindi.

Uchrashuv yakunida tomonlar inson huquqlari sohasida ikki tomonlama munosabatlarni rivojlantirishga kelishib oldilar.

Maqsad – inson huquqlari sohasida demokratik islohotlarning borishi, Inson huquqlari bo'yicha O'zbekiston Respublikasi Milliy markazining asosiy faoliyati bilan tanishishdir.