2022 yil 3 dekabr kuni Inson huquqlari bo‘yicha O‘zbekiston Respublikasi Milliy markazining shtabi mas’ullari Samarqand xalqaro aeroportida Yevropa Kengashining Yoshlar ishlari bo‘yicha maslahat kengashi (CCJ) a’zosi Nika Baxsolianni kutib oldilar.

N.Baxsolian Samarqand Global forumining birinchi kuni 1-parallel sessiyada “Inson huquqlari sohasidagi ta’limning yoshlar bilan va yoshlar uchun samaradorligi: ilg‘or tajriba” mavzusida ma’ruza qiladi.

Nika Baxsolian – Inson huquqlari sohasidagi ta’limning Yoshlar tarmog‘i (Board of Human Rights Education Youth Network) boshqaruvi raisi va Praxis for Change ta’sischi-a’zosi hisoblanadi. Shuningdek, u norasmiy ta’lim bo‘yicha trening sifatida inson huquqlari va demokratik fuqarolik jamiyati mavzulariga ixtisoslashgan.

Inson huquqlari bo‘yicha
O‘zbekiston Respublikasi
Milliy markazining
matbuot xizmati