Inson huquqlari bo'yicha O'zbekiston Respublikasi Milliy markazi direktori A. Saidov UNICEFning Toshkent shahridagi vakolatxonasi raisi Sasha Graumann hamda Shveytsariyaning O'zbekistondagi elchisi Oliv`e Shav bilan uchrashuv o'tkazdi.

Uchrashuv davomida UNIСEFning Toshkent shahridagi vakolatxonasi davlat organlari bilan “O'zbekistonda qonunbuzarlikka yo'l qo'ygan voyaga yetmaganlar (voyaga yetmagan huquqbuzarlar) ga nisbatan odil sudlovni amalga oshirish tizimini isloh etish Strategiyasi” mavzusida o'tkazgan izlanishlari yakunlari muhokama qilindi. Mazkur strategiya o'z ichiga islohotlarning olti komponentini oladi:
– qonunbuzarlikka yo'l qo'ygan voyaga yetmaganlar ustidan odil sudlovni amalga oshirish tizimi hamda ijtimoiy himoya tizimining sohalar aro hamkorligi;
– voyaga yetmaganlar uchun maxsus muassasalar hamda voyaga yetmaganlar ustidan odil sudlovni amalga oshirish sohasiga ixtisoslashgan xodimlar;
– voyaga yetmagan huquqbuzarlarga nisbatan jamiyat (mahalla) darajasida amalga oshiriladigan choralar;
– voyaga yetmagan huquqbuzarlarni xalqaro standartlarga muvofiq ravishda ozodlikdan mahrum qilish;
–voyaga yetmaganlar ustidan odil sudlovni amalga oshirish tizimining kompleks huquqiy asosi;
– voyaga yetmaganlar ustidan odil sudlovni amalga oshirish amaliyoti borasidagi ma'lumotlarni tizimli to'plash.

Uchrashuv davomida tomonlar tadqiqot yakunlari yuzasidan ishlab chiqilgan tavsiyalar O'zbekiston Respublikasi Prezidenti tomonidan 2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha Harakatlar strategiyasida belgilab berilgan vazifalarni samarali amalga oshirishga xizmat qilishini ta'kidlab o'tdilar.

Uchrashuv yakunlari yuzasidan odil sudlovni isloh etish strategiyasini parlament miqyosida muhokama qilish taklifi ilgari surilib, joriy yil iyul` oyida UNICEFning hududiy direktori Afshan Xonning O'zbekistonga tashrifi haqida xabar berildi.

Uchrashuv tomonlar uchun samarali bo'ldi.

Uchrashuv davomida tomonlar tadqiqot yakunlari yuzasidan ishlab chiqilgan tavsiyalar O'zbekiston Respublikasi Prezidenti tomonidan 2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha Harakatlar strategiyasida belgilab berilgan vazifalarni samarali amalga oshirishga xizmat qilishini ta'kidlab o'tdilar.