2018 yilning 26 iyun kuni Inson huquqlari bo'yicha O'zbekiston Respublikasi Milliy markazi tomonidan O'zbekiston Respublikasi Oliy va o'rta maxsus ta'lim vazirligi hamda BMTning Inson huquqlari bo'yicha Oliy komissari Boshqarmasi bilan hamkorlikda O'zbekiston Oliy ta'lim muassasalari talabalari uchun BMTning Inson huquqlari bo'yicha Oliy komissari Zayd Raad al-Husayn bilan vebinar tashkil etildi.

Zayd Raad al-Husayn 2014 yilning 1 sentyabrida BMTning Inson huquqlari bo'yicha Oliy komissari oltinchi Oliy komissar sifatida tayinlandi. U mazkur lavozimni egallagan birinchi osiyolik, musulmon-arab dunyosi vakili bo'ldi.

Ta'kidlash joizki, BMTning Inson huquqlari bo'yicha Oliy komissarning Inson huquqlari bo'yicha BMTning Kengashi 38-sessiyasidagi nutqida O'zbekistonda inson huquqlari himoyasi sohasida amalga oshirilayotgan islohotlar haqida iliq fikrlar bildirib o'tilgan edi.

Mazkur vebinar Jeneva va Toshkent o'rtasida internet orqali real vaqt rejimida o'tkazilgan birinchi onlayn-uchrashuv bo'ldi.

Vebinarlarning asosiy xususiyati interaktivlik, ya'ni axborotni real vaqt rejimida qabul qilish, uzatish va muhokama qilishdir.

Mazkur vebinardan ko'zlangan bosh maqsad talabalarni inson huquqlarini himoya qilish universal va mintaqaviy mexanizmlari, inson huquqlari sohasidagi dolzarb muammolari va ularni yechish yo'llaridan habardor qilish, inson huquqlari bo'yicha bilim va ko'nikmalarni, shakllantirish, inson huquqlari madaniyatini tarbiyalash, shuningdek, O'zbekiston Respublikasining inson huquqlari sohasida xalqaro tashkilotlar bilan hamkorlik aloqalari holatidan xabardor qilish bo'ldi.

Bugun, Inson huquqlari umumjahon deklaratsiyasi e'lon qilinganidan 70 yil o'tib, xalqaro hamjamiyat inson huquqlari hamda asosiy huquq va erkinliklarini tan olib, inson huquqlarining xalqaro huquqiy mexanizm va m'yorlari orqali ularga rioya etilishini ta'minlaydi. Mazkur huquqlardan biri – ta'lim olish huquqi – barcha inson huquqlari egallashga yo'l ochuvchi asosiy nuqtadir. U o'z ichiga inson huquqlari sohasida ta'lim olish, bu huquqlarni o'rganish huquqi, shuningdek, bizning hamjamiyatlarda inson huquqlarini himoya va targ'ib qilishing usul va vositalarini qamrab oladi. Ta'lim tizimi doirasida Inson huquqlari sohasida bilim olish o'z ichiga “inson huquqlari ta'lim orqali” tamoyili (ta'lim va unga turdosh jarayonlarning barcha tarkibiy qismlari, jumladan, o'quv dasturlari, materiallari, metodikasi va ta'lim inson huquqlari borasida bilim berishga yo'naltiriladi) bilan bir qatorda, jamiyatning barcha a'zolariga nisbatan inson huquqlariga rioya etilishini ta'minlovchi “ta'lim jarayonida inson huquqlari” tamoyilini oluvchi yaxlit yondashuvni rivojlantirishga xizmat qiladi.

Inson huquqlari to'g'risidagi umumjahon deklaratsiyasi qabul qilinganligining 70 yilligi hamda davlat, jamiyat va fuqarolarning Deklaratsiya qadriyatlari va tamoyillariga e'tiborini kuchaytirish, shuningdek, inson huquqlari, va erkinliklari manfaatlarining ishonchli himoyasini ta'minlashga qaratilgangan tashkiliy-huquqiy va boshqa choralar tizimini yanada takomillashtirish, qonunchilikka va davlat organlarining amaldagi faoliyatiga inson huquqlar va erkinliklari sohasida xalqaro standartlarni implementatsiyasi qilish mexanizmlari va tartibi samaradorligini oshirish maqsadida O'zbekiston Respublikasi Prezidentining “Inson huquqlari umumjahon deklaratsiyasi qabul qilinganligining 70 yilligiga bag'ishlangan Tadbirlar dasturi to'g'risida”gi farmoni qabul qilindi.

Inson huquqlari to'g'risidagi umumjahon deklaratsiyasi O'zbekiston Respublikasi mustaqillikka erishganidan so'ng qo'shilgan dastlabki xalqaro-huquqiy hujjat hisoblanadi. O'z oldiga demokratik, huquqiy davlat va kuchli fuqarolik jamiyati qurishni maqsad qilgan O'zbekiston inson huquqlari va erkinliklarini ijtimoiy taraqqiyot va davlat qurilishining eng muhim jihati, ichki va tashqi siyosatining asosiy ustuni qilib tanladi.

O'zbekiston Respublikasi 2015 yilning sentyabr` oyida BMTning a'zo ishtirokchi davlatlari qatorida 2030 yilgacha bo'lgan Global kun tartibi hamda Barqaror taraqqiyot maqsadlari (keyingi o'rinlarda - BTM)ga qo'shildi. Maxsus tashkil etilgan Muvofiqlashtiruvchi kengash tomonidan global BTMni O'zbekiston sharoitlariga moslashtirish bo'yicha ish olib borildi va barqaror taraqqiyotning milliy maqsad va vazifalari ishlab chiqildi.

Ayni damda, baraqaror taraqqiyotning milliy maqsadlari 2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha Harakatlar strategiyasiga to'liq mos keladi hamda davlat va jamiyat qurilishi, inson huquqlari himoyasi, iqtisodiyotni liberallashtirish, ekologik barqarorlikni ta'minlash, va mamlakat aholisining turmush sifati va darajasini oshirish borasida amalga oshirilayotgan choralarni takomillashtirish bo'yicha maqsadli hisoblanadi.

Hozirda tegishli uzoq muddatli taraqqiyot kontseptsiyalarini inobatga oluvchi tarmoq, hududiy va maqsadli loyihalar asosida davlat taraqqiyot dasturlari ishlab chiqilmoqda-ki, ular ham milliy BTMga erishishga yo'naltirilgan.

O'zbekiston, shuningdek, BMTning Inson huquqlari bo'yicha Oliy komissari boshqarmasi byudjetiga ixtiyoriy ravishda 100 ming AQSH dollari miqdorida mablag' kiritdi.

Bugun, dunyo shiddat bilan o'zagarayotgan, barqaror taraqqiyotga xavf soluvchi yangidan yangi tahdidlar paydo bo'layotgan bir paytda, ma'rifat, ma'naviy, axloqiy tarbiya, yoshlar orasida eng zamonaviy bilimlarni egallashni, o'z ustida ishlashni targ'ib qilish har qachongidan ham muhim ahamiyatga ega.

O'zbekiston BMTning Inson huquqlari borasidagi ta'lim xalqaro dasturida faol ishtirok etib kelmoqda. Aholi orasida umuminsoniy ideal va qadriyatlar, inson huquqlarini hurmat qilish va rioya etish tamoyillarini targ'ib qilish jarayoniga barcha davlat tashkilotlari, fuqarolik jamiyati institutlari, ommaviy axborot vositalari, ta'lim muassasalari jalb etilgan.

Davlat byudjetining YAIMga nisbatan 7% ta'lim sohasiga yo'naltirilganligi bejiz emas. Mazkur sohada olib borilayotgan ishlarni yanada chuqurlashtirish uchun parlament “Yoshlarga oid davlat siyosati to'g'risida”gi Qonunni qabul qildi.

Ayni shu bois BMT Bosh Assambleyasining N`yu-Yorkda bo'lib o'tgan 72- sessiyasida O'zbekiston Yoshlar huquqi to'g'risida Konventsiya ishlab chiqish hamda “Ma'rifat va bag'rikenglik” maxsus rezolyutsiyasini qabul qilish tashabbuslari bilan chiqdi.

Tadbir davomida Oliy komissar inson huquqlari sohasidagi tajribasi va bilimlari bilan o'rtoqlashdi. Talabalar tomonidan Oliy komissarga qator savollar berildi va ularga atroflicha javob olindi.

Mazkur vebinar Jeneva va Toshkent o'rtasida internet orqali real vaqt rejimida o'tkazilgan birinchi onlayn-uchrashuv bo'ldi.